ABŞ qısa müddətdə Ukrayna ordusunun genişmiqyaslı hücumunu gözləmir.

Axar.az xəbər verir ki, bu barədə AFP adı açıqlanmayan amerikalı rəsmiyə istinadən məlumat yayıb.

Bildirilib ki, Vaşinqtonun yeni yardımı Kiyevə təşəbbüsü ələ almağa imkan verəcək, lakin bu o qədər tez baş verməyəcək ki, Ukrayna Silahlı Qüvvələri yaxın gələcəkdə hücuma keçə bilsin.

Mənbə bildirib ki, ukraynalılar bütün bu yeni təchizatları qəbul etmək üçün bir qədər uyğunlaşmalı olacaqlar, həmçinin öz mövqelərini müdafiə etmək qabiliyyətini təmin etməlidirlər.