Diaspor Fəaliyyətinə Jurnalistlərin Dəstəyi İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Faşizm üzərində qələbədə Azərbaycanın tarixi missiyası” layihəsi çərçivəsində xarici KİV-lərdə mövzu ilə bağlı təbliğat aparıb. Belə ki, QHT tərəfindən Rusiya, Belarus, Fransa, Özbəkistan, Qazaxıstan, Ukrayna, Gürcüstan və Birləşmiş Ərəb Əmirlikləri saytlarında məqalələr dərc olunub. Məqalələrdə İkinci Dünya müharibəsi illərində faşizm üzərində qələbədə Azərbaycanın rolu və əhəmiyyəti, neft və digər təbii sərvətlərin cəbhəyə göndərilməsi, insanların mübarizə ruhu, soydaşlarımızın döyüşlərdə iştirakı, onların göstərdiyi igidliyin müasir nəsillərə ilham verməsi, 44 günlük Vətən müharibəsində qəhəramanlıq irsinin davam etməsi və s. mövzulara toxunulub.
Həmçinin, layihə çərçivəsində Avstraliya, Özbəkistan və Türkiyə radiolarında verilişlər yayımlanıb. Bu radio verilişlərində azərbaycanlıların İkinci Dünya müharibəsindəki qəhrəmanlığından danışılıb, tarixi arayışlar və statistik məlumatlar təqdim edilib. Həmçinin, müharibə qəhrəmanlarımızın Azərbaycanın tarixində əvəzsiz bir yerə sahib olduğu vurğulanıb. Bundan əlavə, Bakı neftinin müharibədəki rolunu açıqlayan tarixi faktlar geniş kütləyə təqdim olunub.
DFJD-nın Mətbuat xidməti
