MEDİA və QHT31.3.2023 16:30

Qeyri-Hökumət Təşkilatlarına Dövlət Dəstəyi Agentliyində “Azərbaycanlıların Soyqırımı Günü” ilə bağlı tədbir keçirilib

1058

Qeyri-Hökumət Təşkilatlarına Dövlət Dəstəyi Agentliyinin ofisində “Azərbaycanlıların Soyqırımı Günü” ilə bağlı tədbir keçirilib. Tədbir Agentliyin Müşahidə Şurasının üzvü Zaur İbrahimov tərəfindən açıq elan edilib.

Zaur İbrahimov 1918-ci ilin 30 mart və 3 aprel tarixləri arasında Bakı şəhərində və Azərbaycanın müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərində erməni silahlı qüvvələri tərəfindən törədilmiş soyqırımı hadisəsi ilə bağlı məlumat verib.

Z.İbrahimov bildirib ki, ulu öndər Heydər Əliyev Azərbaycan Respublikasının Prezidenti kimi 26 mart 1998-ci il tarixdə 31 mart Azərbaycanlıların Soyqırımı Günü kimi qeyd olunması barədə Sərəncam imzalanıb.

Hər il dünyanın müxtəlif ölkələrində soyqırım hadisəsinin ildönümü günü ərəfəsində müxtəlif tədbirlərin təşkil olunduğunu qeyd edən Z.İbrahimov ermənilərin 30 mart-3 aprel 1918-ci il tarixlərində onminlərlə azərbaycanlını milli mənsubiyyətinə görə qətlə yetirdiyini bildirdi.

Tədbirdə iştirak edən qeyri-hökumət təşkilatlarının nümayəndələri Mirəli Hüseynov, Nəsiman Yaqublu, Faiq İsmayılov, Tofiq Əlizadə ermənilərin törətdiyi soyqırım hadisəsi haqda məlumat veriblər.

QHT nümayəndələri Azərbaycanda fəaliyyət göstərən qeyri-hökumət təşkilatları adından beynəlxalq təşkilatlara bəyanat ünvanlanmasının əhəmiyyətini qeyd ediblər.

Tədbirin sonunda bəyanat səsləndirilib.

YUXARI