İQTİSADİYYAT10.5.2021 10:30

IFC Azərbaycanda özəl sektorun dəstəklənməsi üçün 850 milyon dollara yaxın vəsait ayırıb - Direktor

353

Beynəlxalq Maliyyə Korporasiyası (IFC) 25 ildən çoxdur ki, Azərbaycanda özəl sektoru dəstəkləyir və 850 milyon dollara yaxın investisiya yerləşdirib. Bu məbləğdən 100 milyon dolları ticarətin inkişafı, 250 milyon dollar Bakı-Tbilisi-Ceyhan boru kəməri layihəsi üçün ayrılıb.

Bunu Trend-ə IFC-nin Avropa və Mərkəzi Asiya üzrə direktoru Vibke Şlömer deyib. O bildirib ki, IFC dayanıqlı və inklüziv iqtisadiyyatın təmin olunması məqsədilə Azərbaycan iqtisadiyyatının şaxələndirilməsi, iş yerlərinin yaradılması və iqtisadi artımın stimullaşdırılması üçün özl sektorun imkanlarından istifadə edir:

"IFC ölkənin özəıl sektorunu 25 ildir ki, dəstəkləyir. Bu müddət ərzində korporasiya turizm, pərakəndə ticarət, təkrar emal, neft-qaz, bankçılıq, mikro, kiçik və orta sahibkarlıq sahərlərinə yarım milyard dollara yaxın vəsait qoyub. Bundan başqa, IFC ticarətin maliyyələşdirilməsi proqramı çərçivəsində 100 milyon dollara yaxın, Bakı-Tbilisi-Ceyhan boru kəməri layihəsi üçün 250 milyon dollar vəsait ayırıb".

V.Şlömer əlavə edib ki, IFC Azərbaycana bir sıra tənzimləyici islahatların keçirilməsində kömək edib: "Bu, ölkədəki bir çox kiçik müəssisəyə vahid pəncərə vasitəsilə qeydiyyatdan keçməyə, lisenziyalar və icazələr, kreditlər almağa imkan verdi".

YUXARI