Almaniyanın xarici işlər naziri Hayko Maas İsrailin "HƏMAS"ın raket hücumlarından qorunma hüququndan yararlandığını deyib. Azvision.az -ın məlumatına görə, XİN rəhbəri İsrail-Fələstin qarşıdurması barədə açıqlamasında bildirib ki, rəsmi Tel-Əviv xalqı raket terrorundan qorumaq üçün özünümüdafiə hüququndan istifadə edir.

Nazirin sözlərinə görə, raket terroru dərhal dayandırılmalıdır: "Zorakılığa son qoymaq və İsrail ilə Fələstin arasında etibar yaratmaq, iki dövlətin birgəyaşayışına əsaslanan bir həll tapmağa yönəlmiş konkret addımlar barədə danışıqlara qayıtmaq lazımdır".